ఆంధ్రభారతి - తాళ్లపాక అన్నమాచార్య కీర్తనలు - నానాటికిఁ బెరిగీని నరసింహము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 227-4
సంపుటము: 3-153

తాళ్లపాక అన్నమాచార్య

రాగము: నాట

నానాటికిఁ బెరిగీని నరసింహము ఆనుక వరములిచ్చీ నౌభళపుసింహము	॥పల్లవి॥
వేఁడి ప్రతాపముతోడ విభవాలు మెరయుచు మూఁడుమూర్తు లొక్కటైన ముఖ్యసింహము వాఁడివాఁడి కోరలతో వడి నసురఁ జక్కాడి తీఁడేటి మీసాలతోడి దేవదేవసింహము	॥నానా॥
సరుస శంఖచక్రాది సకలాయుధాలు వట్టి పరబ్రహ్మమే తానైన పటుసింహము వరుసఁ గొలువులు దేవతలెల్లాఁ జేయఁగాను తిరమైన కృపతోడి దివ్యసింహము	॥నానా॥
కేలి సింహాసనముపై కిరీటము ధరియించి చాలు వేయిచేతుల కాంచనసింహము పాలించి ప్రహ్లాదుని భక్తుల పాలిటి కిలు- వేలుపై శ్రీసతితో శ్రీవేంకటాద్రి సింహము	॥నానా॥