ఆంధ్రభారతి - తాళ్లపాక అన్నమాచార్య కీర్తనలు - ఎందుఁ జూచినా నీవే ఇదివో నీ ప్రతాపము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 227-5
సంపుటము: 3-154

తాళ్లపాక అన్నమాచార్య

రాగము: మాళవి

ఎందుఁ జూచినా నీవే ఇదివో నీ ప్రతాపము నందకధరుఁడ నీకు నమో నారసింహా	॥పల్లవి॥
అచ్చలపు బ్రహ్మాండమది నీకుఁ బెద్దగుహ చెచ్చెర నహోబలాద్రి సింహాసనము అచ్చటఁ గనకదైత్యుఁ డాహారపుమెగము విచ్చనవిడిఁ జెలఁగు విజయనారసింహా	॥ఎందుఁ॥
జలధు లేడును నీకు జలకపు మడుగులు అలరి భూమెల్లా విహారదేశము కెలన రేలుఁబగళ్లు కిందిమీఁది రెప్పలు వెలయఁగ విహరించు విజయనారసింహా	॥ఎందుఁ॥
చక్కటి శ్రీమహాదేవి జంటైన‌ ఆడుసింహము నిక్కపు దేవతలెల్లా నీ పిల్లలు యెక్కవై శ్రీవేంకటాద్రి నిన్నిటా భోగించేవు వెక్కసమై మమ్మేలుకో విజయనారసింహా	॥ఎందుఁ॥