ఆంధ్రభారతి - తాళ్లపాక అన్నమాచార్య కీర్తనలు - శరణు వేఁడెద యజ్ఞసంభవరామ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 227-6
సంపుటము: 3-155

తాళ్లపాక అన్నమాచార్య

రాగము: శ్రీరాగం

శరణు వేఁడెద యజ్ఞసంభవరామ అరసి రక్షించు మమ్ము నయోధ్యారామా	॥పల్లవి॥
ధారుణిలో దశరథతనయ రామ చేరిన యహల్యను రక్షించిన రామ వారిధిబంధన కపివల్లభ రామ తారకబ్రహ్మమైన సీతాపతి రామ	॥శర॥
ఆదిత్యకులాంబుధిమృగాంక రామ! హర- కోదండ భంజనము చేకొనిన రామ వేదశాస్త్రపురాణాదివినుత రామ ఆదిగొన్నతాటకాసంహార రామా	॥శర॥
రావణుని భంజించిన రాఘవ రామ వావిరి విభీషణవరద రామా సేవ నలమేల్మంగతో శ్రీవేంకటేశుఁడవై యీవల దాసులనెల్లా నేలినట్టి రామా	॥శర॥