ఆంధ్రభారతి - తాళ్లపాక అన్నమాచార్య కీర్తనలు - ముందరఁ గలదని మోసపోతి నిదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 228-1
సంపుటము: 3-156

తాళ్లపాక అన్నమాచార్య

రాగము: సామంతం

ముందరఁ గలదని మోసపోతి నిదె యిందునే తుదిపద మెక్కితినా	॥పల్లవి॥
కాయము మోచితి ఘడన గడించితి చేయారఁబుణ్యము సేసితినా పాయము గైకొంటి పలు రుచులెరిఁగితి రోయఁదగిన విల రోసితినా	॥ముంద॥
నిదుర మేల్కనితి నిక్కల గంటిని హృదయపు విజ్ఞాన మెఱిఁగితినా చదువులు చదివితి జపములు సేసితి మది చంచలములు మానితినా	॥ముంద॥
అందరిఁ గొలిచితి నన్నియుఁ జూచితి నెందునైన మేలెఱిఁగితినా కందువ శ్రీవేంకటపతి నీవే చెంది కాచితివి చెదరితినా	॥ముంద॥