ఆంధ్రభారతి - తాళ్లపాక అన్నమాచార్య కీర్తనలు - ఎందునైనా మీరఁబోతే నెవ్వరికి జవిగాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 228-3
సంపుటము: 3-158

తాళ్లపాక అన్నమాచార్య

రాగము: దేవగాంధారి

ఎందునైనా మీరఁబోతే నెవ్వరికి జవిగాదు యిందరిలోఁ దన కొలఁ దెంచుకొనవలెను	॥పల్లవి॥
మంచితనమే వలె మాటలాడే యప్పుడెల్లా కొంచికొంచి యుండవలె కోపపువేళ వంచన యెప్పుడూ వలె వరుస ఘనులఁ గంటే చంచలము మానవలె సతతము దేహికి	॥ఎందు॥
భ్రమయకుండఁగ వలె పడఁతులఁ గంటేను తమకించకుండవలె తన్నుఁ దిట్టితే సుముఖుఁడై యుండవలె చూచినవారికి నెల్ల అమరి యుండఁగవలె నన్నిటాను దేహికి	॥ఎందు॥
కైవశమై యుండవలె ఘనపుణ్యములకెల్ల దైవము నమ్మఁగవలె తనువెత్తితే యీవల శ్రీవేంకటేశుఁడితనికే శరణని భావించి బ్రతుకవలె పనివడి దేహికి	॥ఎందు॥