ఆంధ్రభారతి - తాళ్లపాక అన్నమాచార్య కీర్తనలు - తోరణములే దోవెల్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 20-1
సంపుటము: 1-119

తాళ్లపాక అన్నమాచార్య

రాగము: ఆహిరి

తోరణములే దోవెల్లా మూరట బారట ముంచిన లతల	॥తోరణ॥
కూరిమి మటములు గోపురంబులును తేరుపడగెలే తెరువెల్లా కోరిన పండ్లు గురిసేటి తరువులు తోరములైన వెదురు జొంపములు	॥తోరణ॥
ఆటలుఁ దిరుపులు నందపు టురుపులు పాటలు వనవైభవమెల్లా కూటువ ^[1]నెమళ్ళ కోవిల ^[2]గుంపుల పేటలఁ దేటల పెనుఁగూటములు	॥తోరణ॥
వింజామరలును విసనకఱ్ఱలును గొంజెగొడుగులే కొండెల్లా అంజనగిరిరాయఁడు వేంకటపతి సంజీవని పరుషల కొదవఁగను	॥తోరణ॥

^[1] ‘నెమళ్ళు’

^[2] ‘గుంపులు’ కావచ్చు.