ఆంధ్రభారతి - తాళ్లపాక అన్నమాచార్య కీర్తనలు - సర్వేశ్వరా నీకు శరణుచొచ్చితి మిదే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 228-4
సంపుటము: 3-159

తాళ్లపాక అన్నమాచార్య

రాగము: మలహరి

సర్వేశ్వరా నీకు శరణుచొచ్చితి మిదే వుర్విలోన నేమెంచే వుపమ లేమున్నవి	॥పల్లవి॥
వెలయ నేమిటికైనా వెరవకుండేనంటే యెలమి ధైర్యము నీవియ్యక లేదు బలిమి చూపెద నేపట్టుననైనా నంటే చెలఁగి నీవే లోని చేతనాత్మకుఁడవు	॥సర్వే॥
జగములోపల నేనెచ్చరికై వుండేనంటే అగపడి బుద్ధి నీవియ్యక లేదు పగటు సంసారము భ్రమ విడిచేనంటే మగటిమిగల నీవు మాయానాథుఁడవు	॥సర్వే॥
కేవల మీ పుట్టుగును గెలిచి వుండేనంటే ఆవేళ నీవు ముక్తియ్యక లేదు శ్రీవేంకటేశ్వర నీకు చేకానుకిచ్చేనంటే లావుసంపదల నీవు లక్ష్మీనాథుఁడవు	॥సర్వే॥