ఆంధ్రభారతి - తాళ్లపాక అన్నమాచార్య కీర్తనలు - పైకొని చూడరో వుట్లపండుగ నేఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 228-6
సంపుటము: 3-161

తాళ్లపాక అన్నమాచార్య

రాగము: సాళంగనాట

పైకొని చూడరో వుట్లపండుగ నేఁడు ఆకడ గొల్లెతలకు నానందము నేఁడు	॥పల్లవి॥
ఆదికాలమునఁ గృష్ణు డవతరించినయట్టి- ఆదట శ్రావణ బహుళాష్టమాయను దాదాత రోహిణినక్షత్రము గూడె నడురేయి సాదించ లోకులకెల్లా జయంతియాయను	॥పైకొ॥
వసుదేవునిని దేవకిని మన్నించి కృష్ణుఁ- డెసఁగి రేపల్లెకు నేతెంచుటాయను కొసరి యశోదా నందగోపులకుఁ బుత్రోత్సవ- మసమున నిచ్చి మించె నన్నిటా మేలాయను	॥పైకొ॥
తొట్టిన రాకాసులతోడఁ గూడ భువిమీఁద నట్టె కంసుని మదము హతమాయను రట్టడి శ్రీవేంకటేశుఁ డిట్టె వీధుల నెల్ల జట్టిగా మెరసే యట్టి సంభ్రమములాయను	॥పైకొ॥