ఆంధ్రభారతి - తాళ్లపాక అన్నమాచార్య కీర్తనలు - ఒకరి కొకరు వొడ్డు దప్పులనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 229-1
సంపుటము: 3-162

తాళ్లపాక అన్నమాచార్య

రాగము: దేవగాంధారి

ఒకరి కొకరు వొడ్డు దప్పులనే పకపక నవ్వు పచరించేరు	॥పల్లవి॥
కొట్టీ నుట్లదె గోవిందుఁ డంతలో తిట్టేరు గోపసతీమణులు పట్టీ జన్నులట్టే పైపై గోవిందుఁడు మెట్టెల పాదాల మెట్టే రింతులు	॥ఒక॥
వారవట్టీఁ బాలు వంచి గోవిందుఁడు గోర గీరే రదే గొల్లెతలు చీర లంటీనట్టె చెంది గోవిందుఁడు మేరతోఁ గొప్పు వంచి మించే రింతులు	॥ఒక॥
కెలసి వెన్నారగించీ గోవిందుఁడు తొలఁగఁ దోసేరు దొడ్డవారు కలసెను శ్రీవేంకటాద్రి గోవిందుఁడు అలమేరు మరి నంగనలు	॥ఒక॥