ఆంధ్రభారతి - తాళ్లపాక అన్నమాచార్య కీర్తనలు - మదనజనకునికి మజ్జనవేళ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 229-2
సంపుటము: 3-163

తాళ్లపాక అన్నమాచార్య

రాగము: శంకరాభరణం

మదనజనకునికి మజ్జనవేళ పదివేలు భోగములు పరగీనదె	॥పల్లవి॥
వున్నతి వేద ఘోషాల నుర్వీధరుని మీఁద పన్నీటి కాలువలు పారీనదె మున్నిటి మునుల హస్తములఁ గప్పురపుధూళి కన్నులపండుగగాఁ గప్పీనదె	॥మద॥
సేసలుగా నలువంక శ్రీసతి విభునిమీఁద వాసన తట్టుపుణుఁగు వడిసీనదె భాసురపుఁ జంద్రగావిపట్టుదట్టి కాంతలెల్లా ఆసల మొలఁ గట్టగా నమరీనదె	॥మద॥
చెలరేఁగి సొమ్ములెల్లా శ్రీవేంకటేశ్వరు మేన నెలకొని కాంతులతో నిండీనదె అలమేలుమంగ వురమందు నెలకొని యట్టె సలిగె గృపారసము చల్లీనదె	॥మద॥