ఆంధ్రభారతి - తాళ్లపాక అన్నమాచార్య కీర్తనలు - భీకరపు చక్రమదె పిడుగులు రాలీనదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 229-3
సంపుటము: 3-164

తాళ్లపాక అన్నమాచార్య

రాగము: సాళంగనాట

భీకరపు చక్రమదె పిడుగులు రాలీనదె పైకొని నిలువరాదు పారరో దిక్కులకు	॥పల్లవి॥
బండికండ్లరవమదే బంగారుమెఱుఁగులవే కొండవంటి రథమదె గొడగులవే మెండుగ దేవుఁడు వీధి మెరసి యేతెంచీ వాఁడే బండుబండై యసురలు పారరో దిక్కులకు	॥భీక॥
గరుడధ్వజమదే ఘంటారవములవే సొరిది ముత్యాలకుచ్చులు నవే బిరుదుశంఖముమ్రోఁత బెరయించీ దేవుఁడదే పరగ దానవులెల్లఁ బారరో దిక్కులకు	॥భీక॥
ముంగిట బలములవే మొరసీ భేరులవే సంగతిఁ బ్రతాపమదే సాకారమదే కుంగ కలమేలుమంగఁ గూడి శ్రీవేంకటేశుఁడు భంగపెట్టీ దైతేయులు పారరో దిక్కులకు	॥భీక॥