ఆంధ్రభారతి - తాళ్లపాక అన్నమాచార్య కీర్తనలు - చెప్పరాని మహిమల శ్రీదేవుఁడితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 229-5
సంపుటము: 3-166

తాళ్లపాక అన్నమాచార్య

రాగము: సామంతం

చెప్పరాని మహిమల శ్రీదేవుఁడితఁడు కప్పి కన్నుల పండుగగాఁ జూడరో	॥పల్లవి॥
అద్దుచుఁ గప్పురధూళి యట్టే మేన నలఁదఁగా వొద్దిక దేవునిభావ మూహించితేను మద్దులు విరిచినట్టి మంచి బాలకృష్ణునికి మద్దులకాంతి మేన మలసినటుండె	॥చెప్ప॥
అమరఁ దట్టుపుణుఁగు అవధరించఁగాను తమితోఁ బోలికెలెల్లఁ దచ్చిచూడఁగా యమునానది నాఁగేట నండకుఁ దీసుకొనఁగా యమునానది నలుపు అంటిన యట్టుండె	॥చెప్ప॥
అంగముల శ్రీవేంకటాధిపున కింతటాను సింగారించి సొమ్ములెల్లఁ జెలరేఁగఁగా బంగారపు టలమేలుమంగ నురాన నుంచఁగా బంగారము మేననెల్లాఁ బరగినట్టుండె	॥చెప॥