ఆంధ్రభారతి - తాళ్లపాక అన్నమాచార్య కీర్తనలు - కొలఁది పుణ్యపాపాలే కొంగు రొక్కములు వెట్టి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 230-3
సంపుటము: 3-170

తాళ్లపాక అన్నమాచార్య

రాగము: బౌళి

కొలఁది పుణ్యపాపాలే కొంగు రొక్కములు వెట్టి వెలదెంచి బేరమాడ వేగిరమే రారో	॥పల్లవి॥
జననాలు మరణాలు సంసారభోగములును అనిశము భూమి మీఁద నగ్గువలు కొనేవారుఁ దినేవారు కూడికూడి మూఁకలై దినసంత లెక్కెనిదే దేహులాల రారో	॥కొలఁ॥
అంగనల వలపుల‌ అంగళ్లు వెట్టిరదే చెంగట వయసులనే చింతల కింద సంగతిఁ గాయమనే సంచుల నించుకొందము చెంగి పోరాదు మనకు జీవులాల రారో	॥కొలఁ॥
లంపటాలు సంపదలు లలి నంబారాసులాయ ఇంపుల ముంచి తలల కెత్తుకోరో దింపక ఇందులోననే తిరిగి శ్రీవేంకటేశు- పంపున లాభము చేరె ప్రాణులాల రారో	॥కొలఁ॥