ఆంధ్రభారతి - తాళ్లపాక అన్నమాచార్య కీర్తనలు - దైవమా వో దైవమా నన్ను దయఁజూడఁ దగదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 230-4
సంపుటము: 3-171

తాళ్లపాక అన్నమాచార్య

రాగము: ముఖారి

దైవమా వో దైవమా నన్ను దయఁజూడఁ దగదా నే వెఱ్ఱివాఁడనైతే నీవు వెఱ్ఱివా	॥పల్లవి॥
చవిగొంటి నెత్తురెల్లా చన్నుఁబాలనుచు నేను భువిఁ దొల్లే నోచితి పుట్టేనంటాను యివల గడుపులోన హేయమౌతాఁ గూడవుతా నివిరి నన్నెరఁగను నిన్నెరిఁగేనా	॥దైవ॥
మొగిఁ జావుకు వెరతు ముందర గాన నేను వెగటు లంపటమైతే వేసరుకొందు వగపును నగవును పడి నొక్క మొకమందే తగులైనవాఁడ నీపై తలఁపు నాకున్నదా	॥దైవ॥
మతి భ్రమసితిఁ గొంత మన్ను నాకు రాజ్యమని సతులంటా సుతులంటా సంసారినైతి గతియై శ్రీవేంకటేశ కాచితి వింతటిలోనే యితరుఁడ నింతే నీకు నేమి బాఁతి నేను	॥దైవ॥