ఆంధ్రభారతి - తాళ్లపాక అన్నమాచార్య కీర్తనలు - హరి నిను నెరఁగని యలమటలింతే శాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 230-5
సంపుటము: 3-172

తాళ్లపాక అన్నమాచార్య

రాగము: లలిత

హరి నిను నెరఁగని యలమటలింతే శాయ శరణంటి నిదె నీకే సర్వేశ కావవే	॥పల్లవి॥
చొచ్చితి స్వర్గము దొల్లి సుకృతములెల్లాఁ జేసి ఇచ్చఁ గొలిచితి సుర లిందరిని గచ్చులఁ బుణ్యము దీరఁ గమ్మటి జన్మములకే వచ్చితి పురుషార్థము వడి నెందూ గానను	॥హరి॥
వెదకితి భూములెల్ల విశ్వకర్తెవ్వడో యంటా చదివితిఁ బుస్తకాలు సారెసారెకు తుద ననుమానమున దొమ్మి నీకలు దెల్లఁగా ముదిసితి నింతేకాని ముందరేమీఁ గానను	॥హరి॥
చింతలెల్ల నుడిగితి శ్రీవేంకటేశ్వర నిన్ను వింత లేక శరణని వెలసితిని చెంతల నిన్నాళ్లదాఁకా చిక్కి కర్మముల వట్టి గంతులు వేసితిఁగాని కడ గాననైతిని	॥హరి॥