ఆంధ్రభారతి - తాళ్లపాక అన్నమాచార్య కీర్తనలు - వెఱ్ఱి దెలిసి రోఁకలి వెసఁ జుట్టుకొన్నట్టు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 231-1
సంపుటము: 3-174

తాళ్లపాక అన్నమాచార్య

రాగము: ధన్నాసి

వెఱ్ఱి దెలిసి రోఁకలి వెసఁ జుట్టుకొన్నట్టు యిఱ్ఱి దీముభోగముల నెనసేము	॥పల్లవి॥
మురికిదేహము మోచి మూలల సిగ్గుపడక పొరిఁ బరిమళములు పూసేము పరగ పునుకతల పావనము సేసేమంటా నిరతితోడ దినము నీట ముంచేము	॥వెఱ్ఱి॥
పుక్కట పంచేంద్రియపు పుట్టు వుట్టి యందరిలో మొక్కించుక దొరలమై మురిసేము అక్కర నజ్ఞానమనే‌ అంధకారమున నుండి దిక్కుల నెదిరివారిఁ దెలిపేము	॥వెఱ్ఱి॥
దినసంసారమే మాకు దేవుఁడని కొలుచుక వెనుకొని ఘనము క్తి వెదకేము యెనలేక శ్రీవేంకటేశ మమ్ముఁ గావఁగాను తనిసి తొల్లిటిపాటు దలఁచేము	॥వెఱ్ఱి॥