ఆంధ్రభారతి - తాళ్లపాక అన్నమాచార్య కీర్తనలు - ఇంకా నో దైవమా యేల వెఱ్ఱి దవ్వించేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 231-2
సంపుటము: 3-175

తాళ్లపాక అన్నమాచార్య

రాగము: రామక్రియ

ఇంకా నో దైవమా యేల వెఱ్ఱి దవ్వించేవు కొంకి తెంచి ముడిగొంటే కుఱుచే కాదా	॥పల్లవి॥
పైకొని నీదాసులు బ్రహ్మాదులఁ గొల్వమని లోకులఁ గొల్చితే వారు లోలో నవ్వరా కోక చాకియింట వేసి కొక్కెరాలవెంటఁ బోతే ఆకడ పురుషార్థము నందీనా జీవుఁడు	॥ఇంకా॥
వుమ్మడిఁ గర్మఫలము వొల్లమని పసిఁడికి నమ్మిక చేయి చాఁచితే నవ్వదా అది కమ్మి శిరసుండఁగా మోకాల సేస వెట్టఁబోతే సమ్మతి నిందరిలోన జాణౌనా జీవుఁడు	॥ఇంకా॥
సారెకు మాయాప్రపంచమునకు లోనుఁ గాక నారులకు లోనై తే నవ్వరా వారు యీరీతి శ్రీవేంకటేశ ఇన్నిటా నీశరణని కూరవండి కసవేరిఁ గోరీనా జీవుఁడు	॥ఇంకా॥