ఆంధ్రభారతి - తాళ్లపాక అన్నమాచార్య కీర్తనలు - ఏమనఁగ వచ్చునమ్మ ఇటువంటివారిఁ జూచి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 231-5
సంపుటము: 3-178

తాళ్లపాక అన్నమాచార్య

రాగము: దేసాళం

ఏమనఁగ వచ్చునమ్మ ఇటువంటివారిఁ జూచి కామించి గోపికలెల్లాఁ గాచుకున్నా రదివో	॥పల్లవి॥
రోలఁ గట్టుపడ్డవాఁడు రోఁకలి పట్టినవాఁడు వేళలేదు వెన్నలెల్ల వెరఁజాడేరు వేలఁ గొండెత్తినవాఁడు వేరే యేరుసేసేవాఁడు బాలులవలెనే వీధిఁ బారాడేరు వారివో	॥ఏమ॥
కాటుకమైచాయవాఁడు కప్పురపువన్నెవాఁడు కూటము గూడుక జోడుకోడెలైనారు నీటుఁ బైఁడికోకవాఁడు నీలికాశతోడివాఁడు తేటలై దూడలఁ గాచి తిరిగేరు వారివో	॥ఏమ॥
చేరి చీరలిచ్చువాఁడు చెలిఁ గుంగించినవాఁడు ధీరులై రేపల్లెలోనఁ దిరిగేరదే యీ రీతి శ్రీవేంకటాద్రి నిద్దరును నేకరూపై కోరినవారి వరాలు కొల్లలిచ్చే రదివో	॥ఏమ॥