ఆంధ్రభారతి - తాళ్లపాక అన్నమాచార్య కీర్తనలు - వెన్న చేతఁబట్టి నేయి వెదకనేలా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 232-1
సంపుటము: 3-180

తాళ్లపాక అన్నమాచార్య

రాగము: లలిత

వెన్న చేతఁబట్టి నేయి వెదకనేలా యిన్నిటా నెంచి చూచితే నిదియే వివేకము	॥పల్లవి॥
నీ దాసులున్నచోట నిత్యవైకుంఠ మిదె వేదతో వేరొక చోట వెదకనేలా ఆదిగొని వారిరూపు లవియే నీరూపులు పోది నిన్ను మదిఁ దలపోయనేలా	॥వెన్న॥
వారలతోడి మాటలు వడి వేదాంతపఠన సారె వట్టిచదువులు చదువనేల చేరి వారికరుణే నీ చేపట్టిన మన్ననలు కోరి యింతకంటే మిమ్ముఁ గొసరనేలా	॥వెన్న॥
నావిన్నపము నిదె నారదశుకాదులును యీవిధముననే ఆనతిచ్చినారు శ్రీవేంకటేశ నీవు చేపట్టిన దాసులకు కైవశమౌ యీబుద్ధి కడమేలా	॥వెన్న॥