ఆంధ్రభారతి - తాళ్లపాక అన్నమాచార్య కీర్తనలు - ఇదె నీ కన్నుల యెదిటికి వచ్చితి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 232-3
సంపుటము: 3-182

తాళ్లపాక అన్నమాచార్య

రాగము: మంగళకౌశిక

ఇదె నీ కన్నుల యెదిటికి వచ్చితి కదియుచు నెట్టయినఁ గావకపోదు	॥పల్లవి॥
పరమపురుష నీ భక్తి దొరకకే యిరవగు జన్మము లెత్తితిని హరి నీ కరుణకు నరుహము లేకే దురితవిదుల సందులఁ బడితి	॥ఇదె॥
జగతీశ్వర నీశరణము లేకే వొగి సంసారపువురిఁ బడితి భగవంతుఁడ నీ పదములు గనకే తెగని పాపముల తీదీపు లైతి	॥ఇదె॥
గోవిందుఁడ నినుఁ గొలువఁగ నేరకే ధావతి యాసలఁ దగిలితిని శ్రీవేంకటేశ్వర చేరి నీవు నా- దైవమవుగాఁగ ధన్యుఁడ నయితి	॥ఇదె॥