ఆంధ్రభారతి - తాళ్లపాక అన్నమాచార్య కీర్తనలు - ఈతఁడే ముక్తిదోవ యీతఁడే మాయాచార్యుఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 232-4
సంపుటము: 3-183

తాళ్లపాక అన్నమాచార్య

రాగము: దేసాళం

ఈతఁడే ముక్తిదోవ యీతఁడే మాయాచార్యుఁ డీతఁడు గలుగఁబట్టి ఇందరు బదికిరి	॥పల్లవి॥
అదివో తాళ్లపాక అన్నమాచార్యులు యిదె వీఁడె శ్రీవేంకటేశు నెదుట వెదవెట్టి లోకములో వేదములన్నియు మంచి- పదములుసేసి పాడి పావనము సేసెను	॥ఈతఁ॥
అలరుచుఁ దాళ్లపాక అన్నమాచార్యులు నిలిచి శ్రీవేంకటనిధియే తానై కలిదోషములు వాప ఘనపురాణములెల్ల పలుకుల నించినించి పాడినాఁడు హరిని	॥ఈతఁ॥
అంగవించెఁ దాళ్లపాక అన్నమాచార్యులు బంగారు శ్రీవేంకటేశు పాదములందు రంగుమీర శ్రీవేంకట రమణుని యలమేలు- మంగను యిద్దరిఁ బాడి మమ్ము గరుణించెను	॥ఈతఁ॥