ఆంధ్రభారతి - తాళ్లపాక అన్నమాచార్య కీర్తనలు - కని గుడ్డును నదె విని చెవుడును నిదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 232-6
సంపుటము: 3-185

తాళ్లపాక అన్నమాచార్య

రాగము: శంకరాభరణం

కని గుడ్డును నదె విని చెవుడును నిదె ననిచి జగత్తు నడచీనదివో	॥పల్లవి॥
వుదయాస్తమయము లొకదినముననే యెదుటనె వున్నవి యెంచినను యిదివో జీవులు యెంచక తమతమ- బ్రదుకులు సతమని భ్రమసెదరు	॥కని॥
వెలుఁగును జీఁకటి వెసఁ గనుఁగొనలనె నిలిచీ నూరక నిమిషములో కలవలెనుండిన గతి సంసారము బలువుగ సతమని భ్రమసెదరు	॥కని॥
కాంతలుఁ బురుషులు కాయ మొక్కటనె పొంతనే పుట్టుచుఁ బొదలెదరు యింతయు శ్రీవేంకటేశ్వరు మహిమలఁ పంతము దెలియక భ్రమసెదరు	॥కని॥