ఆంధ్రభారతి - తాళ్లపాక అన్నమాచార్య కీర్తనలు - ఎదిరించి పోట్లాడ నెవ్వరితరము లిఁక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 233-1
సంపుటము: 3-186

తాళ్లపాక అన్నమాచార్య

రాగము: రామక్రియ

ఎదిరించి పోట్లాడ నెవ్వరితరము లిఁక త్రిదశవంద్యుఁడు హరిఁ దేరి చూడఁగలరా	॥పల్లవి॥
ఘాత మీస మదరితే గగ్గులకాడవుదురు యీతఁడు దలచూపితే నెదిరించ రరులు ఆతురాన గొరిశరాయడికి నోపఁగలేరు చేతిగోరు మీటితేనే ఛిన్నభిన్న మవుదురు	॥ఎది॥
పైపై నితఁ డడుగిడ పాతాళానఁ గుంగుదురు కోపించినంత నెత్తురుగుండాల పాలౌదురు తూపు చేత నంటితేనే తుత్తుమురై పారుదురు రాపునీలికాశ గంటే రణభీతి గొందురు	॥ఎది॥
మంతన మీతఁ డాడితే మానము గోలుపోదురు కొంత గుఱ్ఱ మెక్కితేనే గుంటఁ గూలిపోదురు యింతటా శ్రీవేంకటేశుఁ డెక్కడఁ జూచినఁ దానే వింత ప్రతాపముతోడ విఱ్ఱవీఁగీ నిదివో	॥ఎది॥