ఆంధ్రభారతి - తాళ్లపాక అన్నమాచార్య కీర్తనలు - నీవే యెరిఁగి సేయు నీ చిత్తము వచ్చినట్టు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 233-3
సంపుటము: 3-188

తాళ్లపాక అన్నమాచార్య

రాగము: గుండక్రియ

నీవే యెరిఁగి సేయు నీ చిత్తము వచ్చినట్టు తావులఁ గొసరేనన్నా తనివోదు నాకు	॥పల్లవి॥
హరి నిన్ను నమ్మితి నే నననెట్టు వచ్చు నాకు ఇరవైన బుద్ధి నా ఇచ్చగాదు వెరవున నొకటి నే విన్నవించెదనంటేను సరి నీవు వెలిగాను స్వతంత్రుఁడఁ గాను	॥నీవే॥
యిట్టె నీపై భారము నే నెట్టు వేయఁగవచ్చు పట్టి నీకుఁ బురుషార్థపరుఁడఁ గాను గుట్టుతోడ నే నిన్నుఁ గొలువఁగఁ గొలువఁగ యెట్టైనాఁ గానిమ్ము యెరఁగ నెవ్వరిని	॥నీవే॥
యింతటి దైవమవు ని న్నిఁక నెందు వెదకేను చెంత శరణాగతుల చేతివాఁడవు వింతగాదు నీకును శ్రీవేంకటేశ నాకును అంతర్యామివి నీయానతిలో వాఁడను	॥నీవే॥