ఆంధ్రభారతి - తాళ్లపాక అన్నమాచార్య కీర్తనలు - ఇట్టి యవివేకబుద్ధి యే పనికి వచ్చునిఁక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 233-4
సంపుటము: 3-189

తాళ్లపాక అన్నమాచార్య

రాగము: బౌళి

ఇట్టి యవివేకబుద్ధి యే పనికి వచ్చునిఁక జట్టిగొని నాగుణము చక్కఁజేయఁ గదవే	॥పల్లవి॥
హరి నీయిచ్చఁ బ్రపంచమంతా నీవు నడపఁగ అరసి నీశక్తి దెలియక నమ్మక వెర వెరఁగనియట్టి వెఱ్ఱివాఁడ నే నొక్క- దొరనంటాఁ బనుల కుద్యోగించేను	॥ఇట్టి॥
అంతరాత్మవై నీవు అన్నియుఁ బెర రేఁచఁగ బంతినే నీ మహిమెల్లా భావించక చెంత నీసంసారము సేసేవాఁడ నే నంటా దొంతుల కోరికలతోఁ దూరిపారేను	॥ఇట్టి॥
ఆదినుండి స్వతంత్రుఁడవై యేలినట్టి నిన్ను సోదించి శరణు నాఁడే చొరఁగలేక యీదెస శ్రీవేంకటేశ యిప్పుడు నీదాఁసుడనై నీ దయ కలిమితోడ నేఁడు మొక్కేను	॥ఇట్టి॥