ఆంధ్రభారతి - తాళ్లపాక అన్నమాచార్య కీర్తనలు - ఓపితేఁ దానే తగిలి వోపకున్నఁ దానే మాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 233-5
సంపుటము: 3-190

తాళ్లపాక అన్నమాచార్య

రాగము: లలిత

ఓపితేఁ దానే తగిలి వోపకున్నఁ దానే మాని మాపురేపు నలయించే మాయ మాకేలా	॥పల్లవి॥
చింతాయకుఁడగు(?) హరి చిత్తములో నుండఁగాను వింతవింత విచారాల వెఱ్ఱి మాకేలా చెంతల పరుసవేది చేతిలోనే వుండఁగాను దొంతరవిద్యలతోడి దోవ మాకేలా	॥ఓపి॥
తోడునీడై యచ్యుతుఁడు తొలఁగక వుండఁగాను జాడ దప్పి తిరిగేటి జాలి మా కేలా యేడనో కోకలు వేసి యేమియు నెరఁగలేక వేడుకతో కొక్కెరాలవెంట మాకేలా	॥ఓపి॥
వెల్లవిరై యెదుట శ్రీవేంకటేశుఁ డుండఁగాను బల్లిదుఁ డీతనిఁ బాసి భ్రమ మాకేలా యెల్ల ధాన్యములు మా యింటిలో నుండఁగాను పొల్లి కట్టు దంచేమని బుద్ధి మాకేలా	॥ఓపి॥