ఆంధ్రభారతి - తాళ్లపాక అన్నమాచార్య కీర్తనలు - ఆదివిష్ణు వీతఁడే యటరమ్మా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 234-2
సంపుటము: 3-193

తాళ్లపాక అన్నమాచార్య

రాగము: లలిత

ఆదివిష్ణు వీతఁడే యటరమ్మా ఆదిగొని భూభార మణఁచీనోయమ్మా	॥పల్లవి॥
చందురునుదయవేళ సవరేతిరికాడ కందువ దేవకి బిడ్డఁ గనెనమ్మా పొందుగ బ్రహ్మాదులు పురుఁటింటి వాకిటను చెంది బాలుని నుతులు సేసేరోయమ్మా	॥ఆది॥
వసుదేవుని యెదుట వైకుంఠనాథుఁడు సిసువై యవతరించి చెలఁగీనమ్మా ముసిముసి నవ్వులతో మునులకు ఋషులకు యిసుమంత వాఁడభయమిచ్చీనమ్మా	॥ఆది॥
కన్న తల్లిదండ్రులకు కర్మపాశము లూడిచి అన్నిటా రాకాసిమూఁక లణఁచీనమ్మా వున్నతి శ్రీవేంకటాద్రినుండి లక్ష్మీదేవితోడ పన్ని నిచ్చకల్యాణాలఁ బరగీనమ్మా	॥ఆది॥