ఆంధ్రభారతి - తాళ్లపాక అన్నమాచార్య కీర్తనలు - ఇందుకే కాలమందే యీతని శరణంటిమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 234-4
సంపుటము: 3-195

తాళ్లపాక అన్నమాచార్య

రాగము: బౌళి

ఇందుకే కాలమందే యీతని శరణంటిమి ముందుముందే దయఁజూచి మొగిఁ గాచుఁగాక	॥పల్లవి॥
పుడమి గుంగిన నెత్తె పురుషోత్తముఁ డితఁడు యెడసి కొండ గుంగితే నెత్తె నితఁడు అడరి సంసారవార్ధి నడఁగిన దాసులను యిడుములఁ బొందకుండా యెత్తి కాచుఁగాక	॥ఇందు॥
పట్టి ప్రహ్లాదు బాధలు పాపిన దేవుఁ డితఁడు రెట్టిగా వేదము లుద్ధరించె నితఁడు వట్టి దుష్టులలో సహవాసమైతే దాసులను దిట్టయై వెళ్లఁదీసి తా దిక్కై కాచుఁగాక	॥ఇందు॥
లంకలో సీతఁ దెచ్చిన లావరి తానే యితఁడు మంకు అహల్యశాపము మాన్పె నితఁడు అంకెల శ్రీవేంకటేశుఁ డతిభీతిఁ బాపి మమ్ము గొంకక తన దాసులఁ గూడి కాచుఁగాక	॥ఇందు॥