ఆంధ్రభారతి - తాళ్లపాక అన్నమాచార్య కీర్తనలు - ఓడవిడిచి వదర వూరకేల పట్టేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 234-5
సంపుటము: 3-196

తాళ్లపాక అన్నమాచార్య

రాగము: దేసాళం

ఓడవిడిచి వదర వూరకేల పట్టేవు గోడ గడుగ నడుసే కురిసీ నో మనసా	॥పల్లవి॥
చిత్తము లోపలనున్న చింతామణి యీహరి యిత్తలఁ గోరినవెల్లా నియ్యఁగాను తత్తరించి తలఁచక దవ్వువోయి పరులకు దెత్తివై యేల నోళ్లు దెరిచేవో మనసా	॥ఓడ॥
కన్ను లెదుటనే హరి కల్పవృక్షమై యుండి మన్నించి లోకమెరఁగ మనుపఁగాను యెన్ని వలసిన మరి యీతనినే యడుగక కన్నవారి నేలడుగఁ గటకటా మనసా	॥ఓడ॥
శ్రీవేంకటేశుఁడే మనచేతి పరుసమై యుండి తావున నిహపరాలు తానియ్యఁగాను భావించి మొక్కక వేరే బద్ధులైన జీవులను దావతిపడుచు నేల తగిలేవో మనసా	॥ఓడ॥