ఆంధ్రభారతి - తాళ్లపాక అన్నమాచార్య కీర్తనలు - మంగళసూత్ర మొక్కటే మగనాలికిఁ గట్టేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 234-6
సంపుటము: 3-197

తాళ్లపాక అన్నమాచార్య

రాగము: లలిత

మంగళసూత్ర మొక్కటే మగనాలికిఁ గట్టేది అంగవించే మీఁది పన్నులన్నియు విభునివే	॥పల్లవి॥
తలఁపు లోపల నిన్నుఁ దలఁచినానుఁ గలవు తలఁచకున్నా నంతరాత్మవై కలవు పలుపూజ లిఁకనేల భక్తిసేయనేల నీవు గలవని నమ్మేదొక్కటే బుద్ధిఁ గాకా	॥మంగ॥
మొక్కినా రక్షింతువు మొక్కకున్నా జగములో యిక్కువతో రక్షింతువు యెపుడు నీవు పెక్కు విన్నపాలేల పిలిచి యలయనేల తక్కక నమ్మేటిది నీదాస్య మొక్కటే	॥మంగ॥
కడు సుజ్ఞానినైనా నీగర్భవాసమే వునికి వెడ నజ్ఞానినైనాను విడిదక్కడే బడినే శ్రీవేంకటేశ పలునా వుద్యోగాలేల నిడివి నిన్ను నుతించే నేమమే నాది	॥మంగ॥