ఆంధ్రభారతి - తాళ్లపాక అన్నమాచార్య కీర్తనలు - ఏడ ధర్మ మేడ కర్మ మిన్నియు నీ సేవేకాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 235-1
సంపుటము: 3-198

తాళ్లపాక అన్నమాచార్య

రాగము: సామంతం

ఏడ ధర్మ మేడ కర్మ మిన్నియు నీ సేవేకాక యీడనే యిందుకు సాక్షి ఇట్టే నిలిపితివి	॥పల్లవి॥
తెగువసేసి నీకుఁ దెచ్చిరి బోనములు మగండ్లమాటదోసి మౌనిసతులు తగ నిన్నుఁ జేపట్టుటే ధర్మముగా నిలిపి జగ మెరఁగఁగ వేదసమ్మతి సేసితివి	॥ఏడ॥
బల్లిదాన నిన్నుఁ బొందే బలుసాహసము సేసి తల్లిదండ్రిమాట దోసి తానే రుక్మిణి యెల్లగా నీకు మోహించు టెక్కుడుతగవు సేసి వెల్లవిరి నాపె నీవు వీధుల నేఁగితివి	॥ఏడ॥
శ్రీవేంకటేశ నిన్ను సేవించవచ్చితేఁ జాలు భావించి రక్షింతువు నీపరుషలను యీవల నీకు మొక్కుటే యిన్ని పుణ్యములూ జేసి(?) కావించి హీనుల మమ్ము ఘనులఁ జేసితివి	॥ఏడ॥