ఆంధ్రభారతి - తాళ్లపాక అన్నమాచార్య కీర్తనలు - ఏమో తెలిసెఁ గాని యీజీవుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 20-5
సంపుటము: 1-123

తాళ్లపాక అన్నమాచార్య

రాగము: భూపాళం

ఏమో తెలిసెఁ గాని యీజీవుఁడు నేమంపు నెరవిద్య నేరఁడాయ	॥ఏమో॥
కపటాలె నేరిచెఁగానీ జీవుఁడు యెపుడైనా నిజసుఖ మెఱఁగఁడాయ కపురులే చవిగొనెఁగానీ జీవుఁడు అపరిమితామృత మానఁడాయ	॥ఏమో॥
కడలనే తిరిగీఁగానీ జీవుఁడు నడుము మొదలుఁ జూచి నడవఁడాయ కడుపుకూటికే పోయీఁగానీ జీవుఁడు చెడని జీతము పొంతఁ జేరఁడాయ	॥ఏమో॥
కనియుఁ గానకపోయఁ గానీ జీవుఁడు దినము వేంకటపతిఁ దెలియఁడాయ కనుమాయలనె చొక్కెఁగానీ జీవుఁడు తనియ నిట్టే మంచిదరిఁ జేరఁడాయ	॥ఏమో॥