ఆంధ్రభారతి - తాళ్లపాక అన్నమాచార్య కీర్తనలు - నమో నారాయణ నా విన్నప మిదివో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 235-2
సంపుటము: 3-199

తాళ్లపాక అన్నమాచార్య

రాగము: లలిత

నమో నారాయణ నా విన్నప మిదివో సమానుఁడఁ గాను నీకు సర్వేశ రక్షించవే	॥పల్లవి॥
మనసు నీ యాధీనము మాటలు నీ వాడేటివే తనువు నీపుట్టించిన ధన మిది మును నీపంపున నిన్ని మోచుకున్నవాఁడ నింతే వెనక నన్ను నేరాలు వేయక రక్షించవే	॥నమో॥
భోగములెల్లా నీవి బుద్ధులు నీవిచ్చినవి యీగతి నాబతుకు నీ విరవైనది చేగదేర నీవు నన్నుఁ జేసిన మానిసి నింతే సోగల నాయజ్ఞానము చూడక రక్షించవే	॥నమో॥
వెలి నీవే లో నీవే వేడుక లెల్లా నీవే కలకాలమును నీకరుణే నాకు యిల శ్రీవేంకటేశ నీవేలుకొన్నబంట నింతే నెలవు దప్పించక నీవే రక్షించవే	॥నమో॥