ఆంధ్రభారతి - తాళ్లపాక అన్నమాచార్య కీర్తనలు - ఏమి సేయఁగలవాఁడ నిదివో నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 235-3
సంపుటము: 3-200

తాళ్లపాక అన్నమాచార్య

రాగము: ఆహిరి

ఏమి సేయఁగలవాఁడ నిదివో నేను నీమరఁగు చొచ్చితిఁగా నీచిత్త మిఁకను	॥పల్లవి॥
పుట్టినవాఁడను నేను భోగించేవాఁడను నేను గట్టిగా నిప్పుడు నాకుఁ గర్తవు నీవు పట్టరాదు జవ్వనము పాయరాదు సంసారము యిట్టి వెల్ల నీమాయ యేమీ ననరాదు	॥ఏమి॥
కడుఁగాంక్షలు నాసొమ్ము కర్మములు నాసొమ్ము నడమ నంతర్యామివి నాకు నీవు వుడివోవు కోరికలు వొదుగదు కోపము కడదాఁకా నీమహిమ కాదనరాదు	॥ఏమి॥
భావించలేనివాఁడను ప్రకృతిలోనివాఁడను శ్రీవేంకటేశ దయ సేసితివి నీవు తోవదప్పదు జ్ఞానము తొలఁగదు వివేకము దేవుఁడవు నీమర్మము తెలియఁగరాదు	॥ఏమి॥