ఆంధ్రభారతి - తాళ్లపాక అన్నమాచార్య కీర్తనలు - ఏమి సేయఁగలవార మెందుకు నౌదుము నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 235-4
సంపుటము: 3-201

తాళ్లపాక అన్నమాచార్య

రాగము: కాంబోది

ఏమి సేయఁగలవార మెందుకు నౌదుము నేము శ్రీమాధవ నీవే దయఁ జిత్తగించు మమ్మును	॥పల్లవి॥
వేసరక పుణ్యాలు గావించేదే యరుదుగాని సేసేనంటే పాపములు చేతిలోనివే గాసిలక చూచితేఁ జీఁకటైనా వెలుఁగౌఁగాని వీసమంత మఱచినా వెలుఁగైనాఁ జీఁకటే	॥ఏమి॥
తెలివితో మోక్షము సాధించేదే యెక్కుడుగాని అలయించే లోకములెన్నైనా గలవు తలఁచితే నీరూపము తానే యెదుటనుండు యిలఁ బరాకై వుండితే నెచ్చోటాఁ జిక్కదు	॥ఏమి॥
యీవల నీ దాఁసుడయ్యేది ఘనముగాని దావతి రాజసాలంతటా నున్నవి శ్రీవేంకటేశ్వర నీ సేవే ధ్రువపదము దేవతాంతరమెల్లా దిగ్గుడుకు దిగ్గుడు	॥ఏమి॥