ఆంధ్రభారతి - తాళ్లపాక అన్నమాచార్య కీర్తనలు - కాదనేటి వారెవ్వరు కడలనుండి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 235-5
సంపుటము: 3-202

తాళ్లపాక అన్నమాచార్య

రాగము: నాట

కాదనేటి వారెవ్వరు కడలనుండి సేద దేరిచి నీవేమి సేసినానుఁ జెల్లును	॥పల్లవి॥
తక్కక బ్రహ్మాది దేవతలకు నాయకుఁడవు మక్కువ శ్రీసతికి మగఁడవు చక్కనివాఁడవు మరి చంద్రసూర్యనేత్రుఁడవు వుక్కు మీరి నీ వెట్లానుండినా నమరును	॥కాద॥
కామునిఁ గన్నతండ్రివి కడుఁ జక్కఁదనమున ఆముకొన్నయట్టి చక్రాయుధుఁడవు కామించి యెందుఁ జూచినా గరుడవాహనుఁడవు వేమరు నీవెటువలె వెలసినా నమరును	॥కాద॥
అందరి లోపలనుండే అంతర్యామివి నీవు చందమైన పరబ్రహ్మస్వరూపుఁడవు యెందును శ్రీవేంకటాద్రి నిరవైనవాఁడవు అంది మమ్ము నేలితేను అన్నిటా నమరును	॥కాద॥