ఆంధ్రభారతి - తాళ్లపాక అన్నమాచార్య కీర్తనలు - తెగక పరమునకుఁ దెరువు లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 235-6
సంపుటము: 3-203

తాళ్లపాక అన్నమాచార్య

రాగము: లలిత

తెగక పరమునకుఁ దెరువు లేదు పగయెల్లా విడువక భవమూఁ బోదు	॥పల్లవి॥
కన్నుల యెదుటనున్న కాంచనముపై మమత వున్నంతదడవు మోక్ష మొనగూడదు అన్నముతోడి రుచుల యలమట గలదాఁకా పన్నిన సుజ్ఞానము పదిలము గాదు	॥తెగ॥
పక్కనున్న కాంతల భ్రమగల కాలము మిక్కిలి శ్రీహరిభక్తి మెరయలేదు వెక్కసపు సంసారవిధి నున్నంతదడవు నిక్కి పరమధర్మము నిలుకడ గాదు	॥తెగ॥
చిత్తము లోపలి పలుచింతలు మానినదాఁకా సత్తుగా వైరాగ్యము సమకూడదు యిత్తల శ్రీవేంకటేశుఁ డేలిన దాసులకైతే హత్తి వైకుంఠపదవి అప్పుడే కలదు	॥తెగ॥