ఆంధ్రభారతి - తాళ్లపాక అన్నమాచార్య కీర్తనలు - నీవే నన్ను దయఁ గావు నీవు స్వతంత్రుఁడవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 236-4
సంపుటము: 3-207

తాళ్లపాక అన్నమాచార్య

రాగము: దేవగాంధారి

నీవే నన్ను దయఁ గావు నీవు స్వతంత్రుఁడవు జీవుఁడ నింతే నేను శ్రీమన్నారాయణా	॥పల్లవి॥
నిను నామనసుఁ గొని నేఁ దలఁచేనంటినా మన ప్రకృతిఁ బుట్టె మరి నిన్నెట్టు దలఁచీ తనువుఁ గొని నీసేవ తగిలి సేసేనంటినా తనువు కర్మాధీనము తగిలీనా నిన్నును	॥నీవే॥
గరిమ నర్థమిచ్చి నీగతి గనేనంటినా హిరణ్య మజ్ఞానమూల మెట్టు నీకు నియ్యనిచ్చీ సిరుల నాజన్మము నీసెలవు సేసేనంటినా సరిఁ బుట్టుగు సంసారసాధ్యము నిన్నంటీనా	॥నీవే॥
యిలఁ బుణ్యఫలము నీకిచ్చి మెప్పించేనంటినా ఫలము బంధమూల మేర్పడనియ్యనిచ్చీనా నిలిచి శ్రీవేంకటేశ నే నీశరణు చొచ్చితి యెలమి నీకరుణ నన్నెడయనిచ్చీనా	॥నీవే॥