ఆంధ్రభారతి - తాళ్లపాక అన్నమాచార్య కీర్తనలు - పెక్కు లంపటాల మనసు పేదవైతివి నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 21-1
సంపుటము: 1-125

తాళ్లపాక అన్నమాచార్య

రాగము: ఆహిరి

^[1]పెక్కు లంపటాల మనసు పేదవైతివి నీకు నెక్కడా నెవ్వరు లేరు యేమి సేతువయ్యా	॥పెక్కు॥
కన్నుమూయఁ బొద్దులేదు, కాలు చాఁచ నిమ్ములేదు, మన్ను దవ్వి కిందనైన మనికి లేదు, మున్నిటివలెనే గోరు మోపనైనఁ జోటు లేదు, యిన్నిటా నిట్లానైతి వేమి సేతువయ్యా	॥పెక్కు॥
అడుగిడఁగ నవ్వల లేదు, అండనైన నుండలేదు, పుడమిఁ గూడు గుడువనైనఁ బొద్దులేదు, వెడఁగుఁదనము విడువలేదు, వేదమైనఁ జదువలేదు, యెడపఁ దడప నిట్ల నీకు నేమి సేతువయ్యా	॥పెక్కు॥
వుప్పరములు మానియైన నుండలేదు లోకమందు, నిప్పుడైన నీ విహార మిట్లనాయను చెప్పనరుదు నీ గుణాలు శ్రీవేంకటేశ యిట్ల- నెప్పుడును ఘనుఁడ వరయ నేమి సేతువయ్యా	॥పెక్కు॥

^[1] ఇందు దశావతారసమన్వయము కలదు.