ఆంధ్రభారతి - తాళ్లపాక అన్నమాచార్య కీర్తనలు - విశ్వరూప నీ మూర్తి వివేకించలేను నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 240-5
సంపుటము: 3-231

తాళ్లపాక అన్నమాచార్య

రాగము: దేసాళం

విశ్వరూప నీ మూర్తి వివేకించలేను నేను శాశ్వతుఁడ నీవున్న చందమేమీ నెఱఁగ	॥పల్లవి॥
నిబ్బరమై లోకమెల్లా నిండుక వుండుదువట దొబ్బుకొంటాఁ దిరిగేము తోవల నిన్ను వుబ్బి సముద్రమువలెనున్న నీ ప్రకృతియందు గబ్బినై యీఁదుచున్నాఁడఁ గలఁగకుమీ	॥విశ్వ॥
కడయు మొదలులేని కాలము నీతనువట నడుమ నందుతోనే పెనఁగుచున్నాఁడ అడరి నీ సొమ్ములైన ఆత్మలలో నొకఁడనై చిడుముడినున్నవాఁడ చిక్కువఱచకుమీ	॥విశ్వ॥
పరమున నిహమునఁ బ్రబలియున్నాఁడవట గరిమ సోదించేము కమ్మటి నిన్ను ఇరవై శ్రీవేంకటేశ నిన్నిటా నిన్ను నేము శరణు చొచ్చితిమిఁక చనవిచ్చి కావుమీ	॥విశ్వ॥