ఆంధ్రభారతి - తాళ్లపాక అన్నమాచార్య కీర్తనలు - కొలిచినవారికిఁ గొమ్మని వరములిచ్చీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 240-6
సంపుటము: 3-232

తాళ్లపాక అన్నమాచార్య

రాగము: నాట

కొలిచినవారికిఁ గొమ్మని వరములిచ్చీ వెలయఁ గలశాపుర వీధిహనుమంతుఁడు	॥పల్లవి॥
బెట్టుగా నొకచేతఁ జూపెడి తన ప్రతాపము పట్టుకున్నాఁ డొకచేతఁ బండ్లగొల మెట్టుకొన్నవి రాకాసిమెదడుతోడి తలలు రట్టడి కలశాపుర దిట్ట హనుమంతుడు	॥కొలి॥
చెచ్చెర వీనుల నాలించేది సురల నుతులు కొచ్చికొచ్చి తోఁకఁ జుట్టుకొన్నది నింగి తచ్చి చూచేది కన్నుల దాసులమీఁది కరుణ రచ్చకెక్కెఁ గలశాపురము హనుమంతుఁడు	॥కొలి॥
వసుధ మతిలోనిది స్వామికార్యవిశ్వాసము వెసఁ దన పనైనది విష్ణుభక్తి పసగా శ్రీవేంకటేశ బలు నీ బంట్లలోన రసికుఁడు కలశాపురము హనుమంతుఁడు	॥కొలి॥