ఆంధ్రభారతి - తాళ్లపాక అన్నమాచార్య కీర్తనలు - రాముఁడు లోకాభిరాముఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 241-1
సంపుటము: 3-233

తాళ్లపాక అన్నమాచార్య

రాగము: రామక్రియ

రాముఁడు లోకాభిరాముఁడు ఆముక విజనగరమందు నున్నవాఁడు	॥పల్లవి॥
చక్కఁదనములవాఁడు జానకీవల్లభుఁడు గక్కన శబరిపూజ గైకొన్నవాఁడు వెక్కసమైన పైడివిల్లునమ్ములవాఁడు రక్కసులవైరి దశరథనందనుండు	॥రాముఁ॥
శరధి గట్టినవాఁడు చాయ నల్లనివాఁడు యిరవై సుగ్రీవాదుల నేలినవాఁడు సరి భరతశత్రుఘ్నసౌమిత్రి సేవితుఁడు అరిది మునుల కభయమిచ్చినవాఁడు	॥రాముఁ॥
అట్టె కౌసల్యాత్మజుఁడు అయోధ్యాపతైనవాఁడు వొట్టి తారకబ్రహ్మమై వుండేటివాఁడు గుట్టుతో వరములిచ్చేకోనేటిదండవాఁడు పట్టపు శ్రీవేంకటాద్రిఁ బరగినవాఁడు	॥రాముఁ॥