ఆంధ్రభారతి - తాళ్లపాక అన్నమాచార్య కీర్తనలు - కంటిరా వో జనులాల కరుణానిధి యితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 241-2
సంపుటము: 3-234

తాళ్లపాక అన్నమాచార్య

రాగము: సాళంగనాట

కంటిరా వో జనులాల కరుణానిధి యితఁడు జంట లక్ష్మీదేవితోడ సరుస నున్నాఁడు	॥పల్లవి॥
వాఁడివో ప్రతాపసుగ్రీవ నరసింహు డట్టె మూఁడుమూర్తు లొకరూపై ముంచివున్నాఁడు వేఁడి రక్కసులనెల్ల విదళించి వేసినాఁడు పోఁడిమి సురలఁ గాచీ భువనాధీశుఁడు	॥కంటి॥
ఇరవైన రవిచంద్రు లితని కన్ను లివిగో ధరణి ననంతవేదము లూర్పులు అరుదై చెలఁగె బ్రహ్మాండ మీతని నెలవు నిరతి సనకాదులు నిత్యసేవకులు	॥కంటి॥
ఘన మైన శంఖుచక్రములతో మెరసీని మనిపె ప్రహ్లాదుని మన్నించె నిదె యెనలేని శ్రీవేంకటేశుఁడై వున్నవాఁడు అనిశము సకలాంతరాత్మ తానైనాఁడు	॥కంటి॥