ఆంధ్రభారతి - తాళ్లపాక అన్నమాచార్య కీర్తనలు - ఉవిదలాల చూడరే వుద్దగిరి కృష్ణుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 241-3
సంపుటము: 3-235

తాళ్లపాక అన్నమాచార్య

రాగము: ముఖారి

ఉవిదలాల చూడరే వుద్దగిరి కృష్ణుఁడు నవకపు సెలవుల నవ్వుచున్నాఁడు	॥పల్లవి॥
అచ్చపు బాలుఁడై శకటాసురు మర్దించినాఁడు కుచ్చి కాఁగిళ్ల నింతులఁ గూడినాఁడు మచ్చిక దోఁగెడు తాను మద్దులు విరిచినాఁడు పిచ్చిలఁ బూతకి చన్ను పీరిచినాఁడు	॥ఉవి॥
పిన్ననాఁడే కోడెలతోఁ బెనఁగి గెలిచినాఁడు యెన్నికగా వేలఁ గొండ యెత్తినాఁడు నెన్నడిని కొండపాము వెస రెండు సేసినాఁడు పన్ని కంసుని మదము భంజించినాఁడు	॥ఉవి॥
పొంచి పెద్దవాఁడై భూభారము దించినాఁడు అంచెఁ బాండవులకు దిక్కైనవాఁడు మించి శ్రీవేంకటగిరిమీఁద నిదె వున్నవాఁడు వంచించక దాసులకు వరాలిచ్చేవాఁడు	॥ఉవి॥