ఆంధ్రభారతి - తాళ్లపాక అన్నమాచార్య కీర్తనలు - అరుదరుదీగతి యహోబలేశ్వర - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 241-4
సంపుటము: 3-236

తాళ్లపాక అన్నమాచార్య

రాగము: ఆహిరినాట

అరుదరుదీగతి యహోబలేశ్వర పొరిఁబొరి దాసులు పొగడుట యెట్టు	॥పల్లవి॥
యెదుటఁ జించితివి హిరణ్యకశిపుని అదె ప్రహ్లాదుఁడు బంటగుటెట్లు కదిసిన రుద్రుని గర్వ మడఁచితివి గుదిగొని దివిజులు కొలుచుట యెట్టు	॥అరు॥
ఘనసింహాకృతి గైకొనివుంటివి యెనయఁగఁ గరిఁ గాచిన దెట్లు పనివడి కంబము వగుల వెడలితివి మనుజులు పూజించి మరుగుట యెట్లు	॥అరు॥
సరవితో వీరరసమున మించితివి అరయఁగ శృంగారివౌటెట్టు సిరిపుర మెక్కెను శ్రీవేంకటాద్రిని యిరవుగ నీ తొడ యెక్కుట యెట్టు	॥అరు॥