ఆంధ్రభారతి - తాళ్లపాక అన్నమాచార్య కీర్తనలు - నిండు కంతటా నున్నది నీమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 241-5
సంపుటము: 3-237

తాళ్లపాక అన్నమాచార్య

రాగము: దేసాళం

నిండు కంతటా నున్నది నీమాయ వొండొకరు జనులకు నుపదేశించనేలా	॥పల్లవి॥
నేరకుంటే సంసారము నేరుపును నీమాయ చేరకుంటే గడులోను చేసుకొను నీమాయ వూరకొడఁబడకుంటే వొడఁబరచు నీమాయ పోరి బిడ్డలకు తండ్రి బుద్ధి చెప్పవలెనా	॥నిండు॥
నాలికె కారురుచులు నలిఁ దెలుపు నీమాయ బేలుఁడై విరక్తుఁడై భిక్ష మెత్తించు నీమాయ పాలుమాలేమంకునైనా పనిసేయించు నీమాయ రేలుఁబగళ్లొకరు ప్రేరేఁపుచుండవలెనా	॥నిండు॥
చొక్కించి నోరుఁ జేతికి సూటి చూపు నీమాయ పెక్కులాగుల నన్నిటాఁ బెనగించు నీమాయ వెక్కసపలమేల్మంగవిభుఁడ శ్రీవేంకటేశ తక్కక నీమహిమిది తలపించవలెనా	॥నిండు॥