ఆంధ్రభారతి - తాళ్లపాక అన్నమాచార్య కీర్తనలు - విచారించుకోరో యిది వి??? కులాల మెండు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 242-3
సంపుటము: 3-241

తాళ్లపాక అన్నమాచార్య

రాగము: ధన్నాసి

విచారించుకోరో యిది వి??? కులాల మెండు- పచారాలు చూచి మీరు భ్రమయకురో	॥పల్లవి॥
భావింప నారదునికి బ్రహ్మపట్ట మరుదా వేవేలైనాఁ గొంచెమని విడిచెఁగాక దేవతలు తన్నుఁ జూచి దిగ్గన లేచి మొక్కేటి- ఆవైభవపు పదమందెఁ గాక	॥విచా॥
మిక్కిలి జ్ఞానము గల్గి మించి తమ నేరుపెల్లా చిక్కి సంసారము పాలు సేయవలెనా యెక్కువ హరిదాసుఁడై యిట్లానే వైకుంఠ- మెక్కెడితోవ సాధించేదిది మేలుఁ గాక	॥విచా॥
మూలమని నుడిగితే ముంచి యెవ్వఁడు గాచెను పోలించ నెవ్వని నాభిఁ బుట్టె లోకాలు చాలి యెవ్వనికుక్షి నీజగము లున్నవి మరి కాలమందే ఆదేవునిఁ గానవలెఁ గాక	॥విచా॥
యిదియే శ్రీవైష్ణవులు యిలఁ బూర్వాచార్యులు వెదకి చదివి కన్నవివరమెల్లా తుదమొద లెరఁగని దుష్టులకతలు మాని పదిలమై యిట్టే నమ్మి బ్రదుకుటఁ గాక	॥విచా॥
సంకుఁజక్రములు మా(నూ?)ని సమానభోగముతోడ అంకెల శ్రీవేంకటేశునండ నుండరో పొంకపుబుద్ధు లిమ్మని పొంచి గాయత్రి జపించి ఇంక బ్రహ్మవేత్త లెంచేదిందుకే కాక	॥విచా॥