ఆంధ్రభారతి - తాళ్లపాక అన్నమాచార్య కీర్తనలు - కలిగిన మీఁదాఁ గడమేలా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 243-1
సంపుటము: 3-242

తాళ్లపాక అన్నమాచార్య

రాగము: శంకరాభరణం

కలిగిన మీఁదాఁ గడమేలా పలులంపటములఁ బడుటే కాక	॥పల్లవి॥
దురిత మణఁగె నిటు తుదకెక్కె సుఖము హరి యొక్కఁడె గతియన్నపుడే పొరి నిఁకఁ జేసెటి పుణ్యములెల్లా వరుసతోడ నెవ్వరికో కాని	॥కలి॥
సార మెరిఁగె తనజన్మము గెలిచెను శ్రీరమణునిఁ దలఁచినయపుడే సైరణతో నిఁకఁ జదివేటి చదువు మేరమీఁద నేమిటికో కాని	॥కలి॥
శ్రీవేంకటపతి చిత్తాన నిలిచెను కావించి గురునిఁ గన్నపుడే భావించి యితరప్రార్థన లన్నియు యీవలావలను యెందుకో కాని	॥కలి॥