ఆంధ్రభారతి - తాళ్లపాక అన్నమాచార్య కీర్తనలు - వట్టి స్వతంత్ర మిందు లేదు వావాద మిందు లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 243-2
సంపుటము: 3-243

తాళ్లపాక అన్నమాచార్య

రాగము: వసంతవరాళి

వట్టి స్వతంత్ర మిందు లేదు వావాద మిందు లేదు గుట్టు దెలియక లోలో గునిసేరు వీరివో	॥పల్లవి॥
నేరిచి బ్రదుకువారు నేరక వీఁగేటివారు యేరీతిఁ జూచినాను యెవ్వరు లేరు తీరుగాఁ దమలోనుండే దేవుఁడు పెరరేఁచఁగా మేరతోనే జీవులెల్లా మెరసేరు వీరివో	॥వట్టి॥
కొందరు గొప్పజీవులు కొందరు చిన్నజీవులు యెందుఁ జూచినా భూమి నెవ్వరు లేరు బొందులే వేరువేరుగాఁ బుట్టించె దేవుఁడే అందాలు సేయఁగ లోకు లమరేరు వీరివో	॥వట్టి॥
అసుర కాణాచివారు అమర కాణాచివారు యెసఁగ విచారించుకో నెవ్వరు లేరు వెస శ్రీవేంకటేశుఁడు వినోదించినయట్టు వసుధ మీఁదటఁ గానవచ్చేరు వీరివో	॥వట్టి॥