ఆంధ్రభారతి - తాళ్లపాక అన్నమాచార్య కీర్తనలు - పుట్టుగు నీయాధీనమే భోగము నీయాధీనమే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 243-5
సంపుటము: 3-246

తాళ్లపాక అన్నమాచార్య

రాగము: దేసాక్షి

పుట్టుగు నీయాధీనమే భోగము నీయాధీనమే అట్టే యీభావనకు నరుదయ్యీ నాకు	॥పల్లవి॥
కాననట్టుండవచ్చు నీకల్పిత సుఖదుఃఖాలు మేను మోచి మీయాజ్ఞ మీరవచ్చునా నానాజీవులు పడే నాలిఘోరములు చూచి దీనికెంత వగతువో దేవ నీ చిత్తానను	॥పుట్టు॥
తొట్టిన పాపపుణ్యాలు తొల్లె నీపంపులే పుట్టిన మీ మాయలెల్లాఁ బో దొబ్బేమా వొట్టుకొన్నజీవులు వొరలుచుండఁగఁ జూచి యెట్టు నీవోరిచేవో యీవేదన కిపుడు	॥పుట్టు॥
చెచ్చెర యీజన్మములు శ్రీవేంకటేశ్వర నీవే యిచ్చినవి నీతోడ నెదురాడేమా నిచ్చలు మావంటివారి నేరుపు నేరాలు చూచి వచ్చి నే శరణనఁగా వహించుకోవలసె	॥పుట్టు॥